طريقة عمل الفراخ البانية

تعرفى على طريقة تحضير الفراخ البانية

أولا المقادير:-

صدور فراخ مخلية __ ملح و فلفل.

2 بيضة مضروبة بالشوكة مع 1/2 كوب حليب.

  بقسماط ناعم _ دقيق .

ثانيا الطريقة :-

تبلى الصدور باملح و الفلفل ثم ضعيها الاول فى الدقيق ثم تشيليها و تحطيها فى خليط البيض ثم فى البقسماط و تحطيهم جنب بعض فى طبق لحد ما تخلصى المقدار كلة و تسيبيه شوية بتاع 10 دقائق

المهم فى مقلاية تضعى مقدار متساوى من السمن و الذيت لحد مايسخن

ثم احمر الصدور عادى على الوشين بس تكون النار متوسطة .. لانها لو النار عالية حيتحرق الغلاف بسرعة و لو النار واطية ح تتشال الطبقة الخارجية و تسيب الصدور. فعلشان كدة خليها متوسطة و بعد ما يبقى لونها دهبى حلو تشيليها على الورق الماص المخصوص و بالهنا و الشفا

طريقة عمل الأرز المعمر

تعرفى على طريقة تحضير الأرز المعمر

أولا المقادير:-

كوب و نص سكر _ كوب و نص ارز 

قالب زبدة صغير (113 جرام) 

3 و ربع كوب حليب_جوز هند.

ثانيا الطريقة:-

يغسل الارز و ينقع فى ماء حوالى ساعتان

نضع فى صينية الحليب و السكر و الارز و جوز الهند و نقلبهم بالملعقة على نار متوسطة لحد ما اللبن يغلى.

 نضع الزبدة ونوطى النار و كل شوية نقلبهم لحد ماتلاقى الذبدة طلعت على وش الصينية تطفى النار و تحطية فى الفرن لحد ما يكمل السوى يحمر وش الصينية

لما يبرد تقطعية مربعات و بالهنا و الشفا

طريقة عمل الأرانب البانيه

شرح طريقة عمل الأرانب البانيه

أولا المقادير:-

* ارنب مقطع و مدعوك جيدا بالدقيق ثم يغسل جيدا بالماء .

* بصله متوسطة _ملح و فلفل ناعم_2 فص مستكة و 2 فص حبهان .

* 2 بيضة _بقسماط ناعم _زيت للقلى.

  طريقة التحضير:-

 *ضعى ماء فى حلة مضاف له ملح و بعد ان يغلى الماء ضعى الارنب فى الحلة

حتى تغلى الماء غلوة .

*نشيل الأرنب من الماء ونكب هذا الماء فى الحوض لانه بيكون زفر.

*نضع حلة على النار بها ملعقة سمن و2 فص مستكة و 2 فص حبهان

لمدة ثانية و ريحتهم حتطلع نضع الأرنب يادوب تشويحة ثم نصب علية ماء مغلى نظيف وبه بصلة مقطعه نصين و ملح و نتركه حتى يستوى و ذلك بوضع بوز السكينة او شوكة اذا كان لحمه جامد يبقى لسه سيبيه لحد لما تلاقى لحمة طرى يعنى إستوى.

*طلعى الأرنب من الشوربة وحطية فى طبق لحد ما يبرد خالص.

*إضربى البيضتين كويس بالشوكة مع اضافة زرة ملح و فلفل اسود ناعم.

*ضعى قطع الأرنب فى البيض قطعة قطعة ثم على طول فى البقسماط.

*بعد ما تخلصى الكمية سخنى الزيت على النار ثم ضعى القطع الى أن يتحمر الوجه .

*إقلبى بالشوكة  على الوجه التانى يحمر برضه و بعدين تشيليه على ورق خاص بإمتصاص الذائد من المادة الدهنية.

و بكده نكون إنتهينا من تحضير الأرانب البانيه وبالهنا والشفا